"Araz-Naxçıvan"ın braziliyalı yarımmüdafiəçisi Karlos Jatoba Azərbaycan kubokunun yarımfinal mərhələsinin "Qarabağ"a qarşı ilk oyundakı qələbəni (1:0) şərh edib.
İdman.biz xəbər verir ki, Sportal.az-a açıqlama verən braziliyalı "Araz-Naxçıvan"ın finala çıxmaq şansları barədə danışıb: "Oyun çətin keçdi, amma ilk görüşdə uğur qazana bildik. Daha çox qol vura bilərdik, amma bu nəticə yenə də ümid verir. İndi qarşıda bizi daha çətin səfər oyunu gözləyir. Bu matçda da oynamağa davam etsək, uğur qazana bilərik. Baxmayaraq ki, ilk oyunun nəticəsi bizi yanıltmamalıdır. “Qarabağ” çox güclüdür və hər şeyə hazır olmaq lazımdır".
Qeyd edək ki, “Qarabağ” və “Araz-Naxçıvan” komandaları arasında cavab görüşü aprelin 23-də keçiriləcək.
İdman.biz
