Renato Qauşo "Fluminense"nin baş məşqçisi təyin edilib.
İdman.biz xəbər verir ki, 62 yaşlı braziliyalı Rio-de-Janeyro klubu ilə 2025-ci ilin sonuna kimi müqavilə imzalayıb.
"Fluminense"yə artıq yeddinci dəfə rəhbərlik edən Qauşo bu komandanı sonuncu dəfə 2014-cü ildə çalışdırıb. O, 2007-ci ildə "Flu"ya Braziliya kubokunu qazandırıb.
Bundan başqa, Qauşo "Qremio" ilə Libertadores kuboku və Braziliya kubokunu qazanıb.
Qeyd edək ki, o, futbolçu kimi Braziliya millisinin heyətində 1989-cu ildə Amerika kubokunun qalibi olub.
İdman.biz
