“Mançester Yunayted”in yarımmüdafiəçisi Brunu Fernandeş Premyer Liqada ötən ayın ən yaxşı futbolçusu seçilib.
İdman.biz xəbər verir ki, portuqaliyalı martda 2 qol və 2 assistə imza atıb.
O, karyerasında 5-ci dəfə bu mükafata layiq görülüb. Brunu bu göstəricidə Ueyn Runi və Robin van Persiyə çatıb.
Fernandeş əvvəlki 4 uğura 2020-ci ildə imza atıb. O, fevral, iyun, noyabr və dekabrda ən yaxşı seçilib.
Bu mükafatı ən çox qazanan futbolçular Serxio Agüero, Məhəmməd Salah və Harri Keyn hərəyə 7 dəfə fərqlənib.
Portuqaliyalı Nuno Espirito Santo isə İngiltərə Premyer Liqasında mart ayının ən yaxşı məşqçisi seçilib. Onun rəhbərlik etdiyi “Nottingem Forest” ötən ay “Mançester Siti” və “İpsviç”i məğlub edərək iki qələbə qazanıb və hazırda 3-cü pillədə qərarlaşıb.
İdman.biz
