Mahir Emreli Almaniya 2-ci Bundesliqasında növbəti məğlubiyyət acısını yaşayıb.
İdman.biz xəbər verir ki, azərbaycanlı futbolçunun formasını geyindiyi "Nürnberq" öz meydanında uduzub.
28-ci tur çərçivəsində keçirilən oyunda nürnberqlilər "Hamburq"a 0:3 hesabı ilə məğlub olublar. Matça ehtiyat oyunçular skamyasında start verən Emreli 57-ci dəqiqədə meydana çıxmaq şansı qazanıb. O, 78-ci dəqiqədə sarı vərəqə ilə cəzalandırılıb.
Qeyd edək ki, ardıcıl ikinci dəfə uduzan "Nürnberq" 41 xalla 9-cu pillədə qərarlaşıb.
İdman.biz
