"Qarabağ"da yeni müqavilə imzalanmağa çox yaxındır.
İdman.biz Apasport.az-a istinadən xəbər verir ki, klub Mateuş Silva ilə sözləşmənin müddətini uzadacaq.
Klub rəhbərliyi futbolçunun çıxışından razıdır.
Braziliyalının özü də komandada qalmaq niyyətindədir. Tərəflər arasında danışıqlar prosesi son mərhələdədir.
Cinah müdafiəçisi ilə yeni müqavilənin 3 il müddətinə nəzərdə tutulduğu bildirilir.
Qeyd edək ki, Silva 2023-cü ilin yayından "Qarabağ"da çıxış edir. O, daha öncə ölkəsinin "San Fransisko", "Peysandu", "Bahiya" klublarının şərəfini qoruyub. Mateuş həmçinin "Farense", "Moreyrense" (hər ikisi Portuqaliya) və "Loko Plovdiv" (Bolqarıstan) komandalarında legioner həyatı yaşayıb.
İdman.biz
