PSJ yeni rekorda imza atıb.
İdman.biz xəbər verir ki, Paris təmsilçisi bunu Liqa1-in “Nant”la oyununda rəsmiləşdirib.
Paytaxt klubu XXIX turdan təxirə salınan səfər görüşündə bir xal qazanıb – 1:1. Bununla da PSJ-nin rəqib meydanlarındakı çempionat matçlarında məğlubiyyətsizlik seriyası 39-a çatıb.
Bu, “Böyük beşlik” liqaları üçün yeni rekorddur. Əvvəlki rekord “Milan”a məxsus idi. A seriyasında 38 səfərdə uduzmayan komandanın rekordu 32 ildən sonra qırılıb.
Qeyd edək ki, “Milan”ın seriyası 1991-93-cü illərə əhatə edib.
İdman.biz
