İsveç millisinin futbolçusu Yesper Karlsson Azərbaycanla oyunda heyətdə yer almamasının səbəbi bəlli olub.
İdman.biz xəbər verir ki, İtaliyanın “Boloniya” klubunun hücumçusu zədədən əziyyət çəkdiyi üçün komandaya dəvət almayıb.
Dizində problem olan Karlsson 5-6 həftə yaşıl meydanlardan kənarda qalacaq. Ona AVRO-2024 seçmə mərhələsinin oyunları üçün dəvət göndərilsə də, futbolçu bundan imtina edib.
Yesper millidə 9 oyuna çıxıb və 3 dəfə fərqlənib. O, bu qollardan birini məhz Azərbaycana 5:0 hesabı ilə qalib gəldikləri görüşdə vurub.
Qeyd edək ki, Azərbaycan - İsveç qarşılaşması noyabrın 16-da Bakıda keçiriləcək.
Emin Ağa
İdman.biz
