Yeddiqat Formula-1 çempionu Luis Hamilton sosial şəbəkə hesabında "Mercedes" üçün vida mesajı yazıb.
İdman.biz xəbər verir ki, Abu Dabi Qran-Prisi britaniyalı pilot üçün Almaniya komandasının heyətində sonuncu dəfə çıxış edəcək.
“Mersedes"lə son yarışının vaxtının gəldiyini deyən Hamilton bildirib ki, bu illər ərzində birlikdə etdikləri tarixə düşəcək: "Çoxları 2013-cü ildə bu addımı atacağıma şübhə edirdilər və indi biz buradayıq. İmza atdığımız rekordlar, qazandığımız çempionatlar - hamısı öz sözünü deyir.
"Mercedes"ə son təşəkkürüm deyil, amma bu komanda ilə son yarışıma çıxacağım məni həqiqətən həyəcanlandırır.
Bu mənim həyatımda, karyeramda, eləcə də komanda üçün və Formula-1 üçün bir dövrün sonudur. Mən nailiyyətlərimizlə fəxr edirəm, mənimlə birlikdə bu uğurun bir parçası olan hər bir insanla fəxr edirəm”.
Qeyd edək ki, "Mercedes"də 12 mövsüm keçirdikdən sonra Hamilton 2025-ci ildən "Ferrari"yə qoşulmağa hazırlaşır.
İdman.biz
