Futzal üzrə AVRO-2026-nın əsas mərhələsinin püşkü atılıb.
İdman.biz xəbər verir ki, 40 komanda hər birində 4 iştirakçı olmaqla 10 qrupa bölünüb.
Azərbaycan millisi 5-ci qrupda yer alıb. Yığmamız Xorvatiya, İsveç və Yunanıstanla qarşılaşacaq.
Oyunlar ev-səfər prinsipi ilə keçiriləcək. Matçlar 2024-cü il dekabrın 9-dan 2025-ci il aprelin 16-dək baş tutacaq.
Qrup qalibləri birbaşa final mərhələsinə yüksələcək. Ən yaxşı göstəriciyə malik 8 qrup ikincisi isə pley-off (ev-səfər) oyunlarında üz-üzə gələcək.
Qeyd edək ki, 2026-cı il yanvarın 18-dən fevralın 8-dək keçiriləcək final mərhələsinin meydan sahibləri – Latviya və Litva yarışa birbaşa qatılacaq.
İdman.biz
