Beynəlxalq Gimnastika Federasiyası (FIG) bu gün İtaliyanın Pesaro şəhərində başlayacaq Dünya Yaş Qrupu üzrə aerobika yarışı ərəfəsində azərbaycanlı gimnastın adını fərqləndirib.
İdman.biz xəbər verir ki, söhbət 3 il əvvəl Bakıda keçirilən analoji yarışda fərqlənən Məryəm Topçubaşovadan gedir. İdmançı həmin turnirdə bürünc medal qazanıb.
FIG portalı qeyd edib ki, dünya yaş qrupu yarışlarının qalibləri, o cümlədən Topçubaşova daha çox medal qazanmaq üçün turnirə qayıdırlar.
Qeyd edək ki, Pesaroda Məryəm təkcə fərdi yarışda deyil, həm də qrup heyətində çıxış edəcək.
İdman.biz
