Aerobika üzrə Azərbaycan və Bakı çempionatları bir müddət təxirə salınıb.
İdman.biz xəbər verir ki, noyabrın 1-2-də keçirilməsi planlaşdırılan yarışlar bir həftə sonra - noyabrın 8-9-da təşkil ediləcək.
Məkan olduğu kimi qalır - Heydər Əliyev adına İdman-Konsert Kompleksi.
Hər iki çempionatda “Ocaq Sport” və Sumqayıt Olimpiya Kompleksi klublarını təmsil edən 76 gimnast iştirak edəcək.
Qeyd edək ki, yarışlar üç yaş kateqoriyasında keçiriləcək.
İdman.biz
