Üç il Bakıda məşq edən avstraliyalı gimnast Aleksandra-Kiroi Boqatıryeva Azərbaycanda məşqlərin əhəmiyyətindən danışıb.
İdman.biz xəbər verir ki, Paris Olimpiadasının iştirakçısı karyerasının Bakı mərhələsini xüsusi vurğulayıb.
“Həm idmançı, həm də şəxsiyyət kimi böyüməyimdə böyük rolu olan azərbaycanlı ailəmə çox minnətdaram. "Uğur üçün dəstək və rəhbərlik üçün", deyə Aleksandra Gymnastics Australia nəşrinə müsahibəsində bildirib.
Avstraliya İdman İnstitutunun Virtual Təcrübə Proqramına daxil olan gimnast karyerasını idmandan kənarda da inkişaf etdirmək qərarına gəlib: “Hüquq elminə qayıtmaq gözəl idi, mən məhkəmə sahəsində çalışmışam. Hazırda bütün diqqətimi bu istiqamətə yönəltmişəm”.
İdman.biz
