Beynəlxalq Gimnastika Federasiyası (FIG) növbəti üç il ərzində müxtəlif yaş kateqoriyalarında bədii gimnastika üzrə keçiriləcək dünya çempionatlarının tam siyahısını açıqlayıb.
İdman.biz xəbər verir ki, onlar növbəti olimpiya dövrünü əhatə edir və üç ilin əsas yarışları artıq təyin olunub.
Gələn il iki dünya çempionatı keçiriləcək. İyunun 18-22-də Sofiyada (Bolqarıstan) yeniyetmələrin, avqustun 20-24-də isə Rio de Janeyroda böyüklərin mundialı olacaq.
2026-cı ildə bədii gimnastikanın əsas yarışı avqustun 12-16-da Frankfurtda (Almaniya) keçiriləcək, 2027-ci ildə isə yenə iki dünya çempionatı təşkil ediləcək.
Yeniyetmələrin turniri Buxarestə (Rumıniya) həvalə olunub, böyüklərin mundialına isə sentyabrın 15-19-da Bakı ev sahibliyi edəcək.
İdman.biz
