Avropa Gimnastikası (EG) kişilər arasında idman gimnastikası üzrə onlayn yarışlar üçün yeni format təqdim edib.
İdman.biz xəbər verir ki, seriya “Perfect 10” adlanır və üç mərhələdən ibarətdir.
Yanvarın 18-19-da təsnifat mərhələsi olacaq. Seçimin nəticələrinə əsasən, hər alət üzrə ən yaxşı 12 idmançının iştirakı ilə yanvarın 25-də yarımfinallar keçiriləcək.
Fevralın 1-də isə hər alət üzrə finalda altı gimnast çıxış edəcək.
İdmançılar təklif olunan hər hansı və ya bütün beş alətdə yarışa bilərlər: sərbəst hərəkətlər, at, halqalar, qollar və turnik.
Hər növdə qaliblər 500 avro məbləğində pul mükafatı alacaqlar.
İdman.biz
