Fevralın 22-23-də Bakıda keçiriləcək batut gimnastikası və tamblinq üzrə Dünya kuboku uçan gimnastlar üçün mövsümün ilk yarışı olacaq.
İdman.biz xəbər verir ki, yarışın Təşkilat Komitəsi artıq iştirakçı ölkələrdən müraciətlərin qəbuluna başlayıb.
Hazırda 15 komandanın idmançıları Azərbaycanın paytaxtına gəlməyə hazır olduqlarını bildiriblər: İspaniya, İtaliya, Yaponiya, Əlcəzair, Bolqarıstan, Çexiya, Estoniya, Qazaxıstan, Meksika, Polşa, Ukrayna, ABŞ və Özbəkistan. Neytral idmançılardan ibarət komanda da Bakıda yarışmağı planlaşdırır.
Hələlik müraciətlər konkret adlarla bağlı deyil: Dünya kubokunun iştirakçıları daha sonra açıqlanacaq.
Azərbaycan komandasının heyətində 14 idmançı olacaq: onlardan 10-u batut gimnastikası, 4-ü isə tamblinq üzrə yarışacaq.
İdman.biz
