Bakıda Avropa Gimnastikasının (EG) təşkilatçılığı ilə batut və tamblinq üzrə yay təlim-məşq toplanışı keçiriləcək.
İdman.biz xəbər verir ki, bunu EG-nin batut gimnastikası üzrə Texniki Komitəsinin rəhbəri Babet Van Veterinq deyib.
O, 2025-ci ildə çoxlu seminarlar keçirməyə davam edəcəklərini bildirib: "Biz həmçinin iyulun 27-dən avqustun 2-dək Bakıda olacaq yay təlim-məşq toplanışının tarixini və yerini təyin etmişik”.
Van Veterinq EG-nin saytına yeni ilin əsas hadisələrindən də danışıb: “2025-ci ildə Avropa çempionatı keçirilməsə də, bizi qarşıda maraqlı hadisələr gözləyir. Onların arasında Çinin Çenqdu şəhərində Dünya Oyunları və İspaniyanın Pamplona şəhərində keçiriləcək dünya çempionatı da var. Dünyanın ən yaxşı uçan gimnastlarını yenidən yarışlarda görməyi səbirsizliklə gözləyirəm".
İdman.biz
