Bakıda təşkil ediləcək batut gimnastikası və tamblinq üzrə Dünya kubokunun püşkatma mərasimi fevralın 4-də olacaq.
İdman.biz xəbər verir ki, tədbir Beynəlxalq Gimnastika Federasiyasının İsveçrənin Lozanna şəhərindəki baş qərargahında keçiriləcək.
Püşkatma zamanı gimnastların reytinqlərinə uyğun olaraq çıxış sırası müəyyən ediləcək.
Qeyd edək ki, fevralın 21-23-də keçiriləcək Dünya kubokunda təkcə fərdi batut yarışları deyil, həm də sinxron tullanma üzrə yarışlar olacaq. Qələbə uğrunda 15 ölkədən gimnastlar mübarizə aparacaqlar.
İdman.biz
