Qazaxıstan komandası fevralın 22-23-də Bakıda keçiriləcək batut və tamblinq üzrə Dünya kuboku üçün heyətini müəyyənləşdirib.
İdman.biz xəbər verir ki, yarışa Azərbaycanda dəfələrlə fərqlənmiş Danil Mussabayev də gələcək.
O, 2023-cü ildə Bakıda keçirilən Dünya kubokunun qalibi, 2022-ci ildə isə bürünc mükafatçısı, həmçinin Olimpiya iştirakçısı olub.
Qazaxıstan komandasının heyətində həmçinin Nikita Timakov, Roman Barkov, Erlan Tasmaqambetov, Viktoriya Butolina (hamısı batut) və Aleksandr Romaxov (tamblinq) yer alıb.
İdman.biz
