Azərbaycan bədii gimnastları yarış mövsümünü Fransada açacaqlar.
İdman.biz xəbər verir ki, martın 29-30-da Thiais şəhərində qrup hərəkətləri komandamızın da çıxış edəcəyi ənənəvi Qran Pri yarışı keçiriləcək.
Turnirdə Kanada, Estoniya, Çexiya, ABŞ, Macarıstan, Fransa və Özbəkistan təmsilçilərinin iştirakı gözlənilir.
Qruplar üç dəst mükafat uğrunda - çoxnövçülükdə və iki digər növün finalında mübarizə aparacaqlar.
Qeyd edək ki, ötən il bədii gimnastlarımız Thiaisdə beş halqa ilə hərəkətlərdə qızıl medal qazanıblar.
İdman.biz
