Avropa Gimnastikası (EG) mayın 1-4-də Bakıda keçiriləcək bədii gimnastika üzrə Avropa kuboku ilə bağlı paylaşım edib.
İdman.biz xəbər verir ki, yarışın startına bir aydan da az vaxt qalıb.
EG paylaşımda belə yazıb: "Yenidən getməyə hazırıq. Bakıda keçiriləcək bədii gimnastika üzrə ikinci Avropa kubokuna bir aydan az müddət qalıb!"
Artıq 24 ölkədən komandalar yarış üçün müraciət edib. Avropa kubokunda ümumilikdə 198 idmançı - 88 böyük və 110 yeniyetmə mübarizə aparacaq.
Qeyd edək ki, ötən il ilk Avropa kuboku da Milli Gimnastika Arenasında keçirilib.
İdman.biz
