Avqustun 5-də Bakı İdman Sarayında həndbol üzrə Avropa çempionatının qrup mərhələsinə start verilib.
Azərbaycan Həndbol Federasiyasından İdman.biz-a verilən məlumata görə, turnirin ikinci matçında "B" qrupunda yer alan Lüksemburq və İsrail milliləri üz-üzə gəliblər. Gərgin mübarizədə İsrail komandası 25:26 hesabı ilə qalib olub.
Xatırladaq ki, 17 yaşadək qızların qatıldığı yarışda on komanda iki qrupda gücünü sınayır.
Millimiz "A" qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq. "B" qrupunda isə İspaniya, İsrail, Yunanıstan, Lüksemburq və Farer adaları komandaları mübarizə aparacaqlar.
İdman.biz
