Qadın həndbolçulardan ibarət “Qarabağ” avrokubok mövsümündə ikinci sınağına çıxıb.
İdman.biz xəbər verir ki, ilk qarşılaşmada qələbə qazanan təmsilçimiz Avropa kubokunun 2-ci mərhələsində “Differdanj”la cavab oyunu keçirib.
Lüksemburq klubu ilə hər iki matç Bakıda baş tutub. Dünən ilk görüşdə rəqibini məğlub edən “Qarabağ” bu oyunda nominal qonaq sayılıb. Fasiləyə “Differdanj” üstün yollansa da, ikinci hissədə daha yaxşı oynayan təmsilçimiz 1 top fərqi ilə qalib gəlib.
Qeyd edək ki, 3-cü mərhələnin matçları noyabrın 10-16-da keçiriləcək.
Avropa kuboku
2-ci mərhələ, cavab oyunu
6 oktyabr
14:45. “Differdanj” (Lüksemburq) - “Qarabağ” (Azərbaycan) - 25:26 (11:9)
Hakimlər: Svetoslav Yovçev, Zvezdalin Yonçev (hər ikisi Bolqarıstan)
Bakı. AHF Arena
İlk oyun – 24:27
İdman.biz
