Qadın həndbolçular arasında Avropa kubokunun 2-ci mərhələsinin “Qarabağ” – “Differdanj” matçının ən məhsuldar oyunçuları bəlli olub.
İdman.biz xəbər verir ki, “AHF Arenada” təşkil olunan qarşılaşmada Yelena Smirnova hamıdan çox qol vurub.
“Qarabağ”ın “vuran əli” 10 qolla 27:24 hesablı qələbədə pay sahibi olub. Təmsilçimizdə Aynur Heybətli ilə Anastasiya Stoşa hərəyə 4, Zinaida Axundova və Leyla İbrahimova hərəyə 3, Yelizaveta Çxaidze 2, İnna Mixalkoviç 1 dəfə fərqlənib. Qapıçılarımızdan İnna Pançenko 14, Kristina Cavaxiya 4 seyv edib. Onlar müvafiq olaraq 19 və 5 top buraxıblar.
Qeyd edək ki, komandalar arasında cavab oyunu sabah baş tutacaq.
İdman.biz
