Kişi həndbolçulardan ibarət “Kür” klubu bu gün növbəti avrokubok oyununa çıxıb.
İdman.biz xəbər verir ki, Avropa kubokunda mübarizə aparan təmsilçimiz 3-cü mərhələnin ilk görüşünü keçirib.
Təmsilçimiz İslandiyanın “Haukar” klubu ilə qarşılaşıb. “Kür” Olimpiya İdman-Tədris Mərkəzində baş tutacaq qarşılaşmada rəqib meydan sahibi hesab olunub. İlk oyunda nominal meydan sahibləri qələbəni bayram ediblər. Komandalar fasiləyə heç-heçə ilə yollansalar da, islandlar ikinci hissədə daha yaxşı çıxış ediblər. Matç 30:25 hesabı ilə başa çatıb.
Qeyd edək ki, sabah eyni arenada keçiriləcək qarşılaşmada “Kür” meydan sahibi olacaq. Oyun saat 17:00-da başlayacaq.
Avropa kuboku
3-cü mərhələ, ilk oyun
30 noyabr
17:00. “Haukar” (İslandiya) – “Kür” (Azərbaycan) - 30:25 (13:13)
Hakimlər: Dorian Sırbu, Viktor Serdyuk (hər ikisi Moldova)
“Kür” Olimpiya İdman-Tədris Mərkəzi
İdman.biz
