Kanadanın baş naziri Castin Trüdo hokkey üzrə "4 Nations Face-Off" turnirində ABŞ üzərində qazanılan qələbəyə münasibət bildirib.
İdman.biz xəbər verir ki, kanadalılar finalda amerikalıları məğlub edərək (3:2, overtaymda) yarışın qalibi olublar.
Trüdo sosial şəbəkədə belə yazıb: "Ölkəmizi əlimizdən ala bilməzsiniz - elə oyunumuzu da ala bilməzsiniz".
Qeyd edək ki, qarşılaşmadan əvvəl ölkəsinin milli komandasına uğurlar arzulayan ABŞ prezidenti Donald Tramp yenidən Kanadanın 51-ci ştat olmasını vurğulayaraq, Trüdonu da “qubernator” adlandırıb.
İdman.biz
