NHL tarixinin rekordu təkrarlanıb.
İdman.biz xəbər verir ki, rusiyalı hokkeyçi Aleksandr Oveçkin müntəzəm çempionatlardakı qol sayını 894-ə çatdırıb.
“Vaşinqton Kapitalz”ın hücumçusu bununla da əfsanəvi Ueyn Qretskinin rekordunu təkrarlayıb. Oveçkin bunu “Çikaqo Blek Houks”la ev görüşündə rəsmiləşdirib.
O, komandasının 5:3 hesablı qələbəsinə 2 qolla töhfə verib. Bu dubl Qretskinin rekordunu təkrarlamaq imkanı verib.
Aleksandr 1486-cı matçında rekorda şərik olub. Ueyn isə bir oyun çox keçirib.
Qeyd edək ki, “Vaşinqton Kapitalz” aprelin 6-da “Nyu-York Aylenders”in qonağı olacaq. Həmin görüşdə Oveçkin mütləq rekordçu ola bilər.
İdman.biz
