Rusiya cüdoçuları Paris-2024 Yay Olimpiya Oyunlarında iştirak etməkdən imtina edib.
İdman.biz xəbər verir ki, Beynəlxalq Olimpiya Komitəsi (BOK) 4 rusiyalı cüdoçuya neytral bayraq altında çıxış etmək hüququ verib.
Rusiya Cüdo Federasiyasının prezidenti Sergey Soloveyçik Valeriy Endovitskiy, Maxmadbek Maxmadbekov, Elis Startseva və Dali Liluaşvilinin lisenziyadan imtina etdiklərini açıqlayıb. O, BOK-un qərarı ilə razılaşmadıqlarını bildirib.
Keçirilən yarışlardan sonra Rusiyanın 17 cüdoçusu Olimpiadada çıxış etmək hüququ qazanıb. Amma BOK bu idmançılardan yalnız 4-nə bu şansı tanıyıb. Bu qərarla barışmayan ruslar Parisə getməyəcəklər.
Qeyd edək ki, Olimpiya Oyunlarında cüdo yarışları iyulun 27-dən avqustun 3-dək davam edəcək.
İdman.biz
