Sabah Azərbaycan Cüdo Federasiyasının təşkilatçılığı ilə kişilər arasında ACF turunun üçüncü yarışı keçiriləcək.
İdman.biz xəbər verir ki, turnirdə 100-dən çox cüdoçu 7 çəki dərəcəsində mübarizə aparacaq.
2024-cü ildə üç belə turnirin keçirilməsi planlaşdırılıb və bu yarışlar nəticəsində formalaşacaq reytinq siyahısında ilk yeri tutan idmançılar beynəlxalq turnirlərdə iştirak hüquq əldə edəcəklər. Yarışın məqsədi kişi cüdoçular arasında rəqabət səviyyəsinin, onların ustalığının yüksəldilməsi və yarış təcrübələrinin artırılmasına nail olmaqdır. İstedadlı cüdoçular ölkənin müxtəlif yaş yığmalarına cəlb ediləcək.
Qeyd edək ki, ACF kuboku Şağan Olimpiya İdman Kompleskdində baş tutacaq.
İdman.biz
