Azərbaycan cüdonun Dünya turunda mövqeyini yaxşılaşdırıb.
İdman.biz xəbər verir ki, Əbu-Dabidə keçirilən "Böyük dəbilqə" turnirindən sonra ölkələrin builki reytinq turnirlərindəki çıxışlarının statistikası yenilənib.
BƏƏ-yə səyahət komandamıza 4 medal qazandırıb: Zelim Tskayev (81 kq) qızıl, Uşanqi Kokauri (+100 kq) gümüş, Murad Fatiyev (90 kq) və Açelya Toprak (57 kq) isə bürünc medal qazanıblar.
Zaqreb Qran-Prisindən sonra Dünya turunun nəticələrinə görə, komanda 14-cü yerdən 11-ci yerə yüksəlib. İlin əvvəlindən Qran-Pri və Masters turnirlərinin də yer aldığı silsilə yarışlarında cüdoçularımız 4 qızıl, 12 gümüş və 16 bürünc mükafat qazanıblar.
Cədvəldə Xorvatiya, Qazaxıstan, İspaniya, Braziliya, Cənubi Koreya və bir çox başqa ölkələri qabaqlayırıq.
Yaponiya lider (21-9-26), Fransa ikinci yerdə (19-15-19), neytral idmançılar isə ilk üçlüyü tamamlayır (14-9-20).
İdman.biz
