Beynəlxalq Cüdo Federasiyası (IJF) xüsusi videoçarxda “İlin cüdoçusu” adına namizədləri təqdim edib.
İdman.biz xəbər verir ki, namizədlər arasında Olimpiya çempionlarımız Hidayət Heydərov (73 kq) və Zelim Kotsoyev (100 kq) də yer alıb.
Siyahıda Azərbaycan cüdoçularından başqa, Olimpiadanın qalibi olan daha beş idmançı var. Bunlar Hifume Abe, Takanori Naqase (hər ikisi Yaponiya), Teddi Riner (Fransa), Laşa Bekauri (Gürcüstan), Eldos Smetovdur (Qazaxıstan).
Səsvermə gələn il yanvarın 10-da başa çatacaq.
Qeyd edək ki, bu il Heydərov və Kotsoyev Olimpiya qızıllarından əlavə dünya çempionu titulunu qazanıblar. Hidayət isə karyerasında dördüncü dəfə Avropa çempionu olub.
İdman.biz
