Beynəlxalq Cüdo Federasiyasının (IJF) akademiyasının ekspertləri Mesut Kapan və Kaya Gezeker, Türkiyə Cüdo Federasiyasının (TCF) Təhsil Direktoru Mehmet Yılmaz və yerli məşqçilərin iştirakı ilə seminar keçirilib.
İdman.biz xəbər verir ki, seminarın ilk hissəsi məşqçilərin IJF-nin akademiyasının praktiki imtahanlarına hazırlıq məqsədilə təşkil olunub.
Ekspertlər cüdo texnikalarının təkmilləşdirilməsi üzrə tövsiyələrini və praktiki biliklərini bölüşüblər.
Sonrakı mərhələdə Dan dərəcələrinin verilməsi ilə bağlı seminar və imtahanlar keçirilib. Bu mərhələdə seminarın əsas məqsədi məşqçilərin Dan sisteminə uyğun bacarıqlarını qiymətləndirmək və onların peşəkar inkişafını təmin etmək olub. Seminarlarda 20-dən çox cüdo məşqçisi iştirak edib.
Bu cür seminar və imtahanların davamlı keçirilməsi məşqçilərin beynəlxalq səviyyədə standartlaşdırılmasına, motivasiyasına və peşəkar bacarıqlarının artırılmasına müsbət təsir göstərəcək.
İdman.biz
