“Azərbaycanda cüdonun inkişafına töhfə verməkdən qürur duyuruq”.
İdman.biz xəbər verir ki, bunu cüdo veteranı Rüstəm Orucov deyib.
Mütəxəssis qeyd edib ki, milli ilə yanaşı, İdman Akademiyasının ikinci kurs tələbələri üçün də hazırlıq kursu keçirilib.
Orucov bütün proqram boyu tələbələrin cüdonun fundamental texnikalarını öyrəndiklərini və imtahanlara intensiv hazırlaşdıqlarını bildirib: "Kurs imtahanlarla başa çatıb. Burada tələbələr öz bacarıqlarını nümayiş etdirib, həmçinin zəhmət, nizam-intizam və fədakarlığın böyük nəticələrə gətirib çıxardığını sübut ediblər".
2016-cı il Olimpiya Oyunlarının gümüş mükafatçısı və dünya çempionatının ikiqat finalçısı sözlərinə belə davaqm edib:
“Gənc nəsillə işləyərək biz biliklərin paylaşılmasının və idmanın inkişafına dəstəyin nə qədər vacib olduğunu görürük. Bu, təkcə gələcək məşqçilərin və idmançıların bacarıqlarını gücləndirmir, həm də cüdonun fəlsəfəsini və dəyərlərini təbliğ edir”, -
İdman.biz
