Niderlandın cüdo yığması fevralın 14-16-da Bakıda keçiriləcək "Böyük Dəbilqə" turniri üçün heyətini açıqlayıb.
İdman.biz xəbər verir ki, komandada 9 idmançı yer alacaq.
Tanınmış cüdoçulardan Olimpiya oyunlarının bürünc mükafatçısı Sanne van Dayk (70 kq), dünya çempionu Yoanne van Lieshout (63 kq), həmçinin dünya çempionatının mükafatçıları Frank de Vit (81 kq) və Maykl Korrell (100 kq) yarışa gələcəklər.
Qeyd edək ki, Korrell artıq 2017 və 2019-cu illərdə Bakıda keçirilən "Böyük Dəbilqə" yarışlarının qalibi olub. Van Dayk isə üç il əvvəl ölkəmizdə titul qazanıb.
İdman.biz
