Yaponiyalı cüdoçu Ryucu Naqayama (60 kq) Bakıda keçirilən "Böyük Dəbilqə" turnirinin qalibi olmaqla əlamətdar nailiyyətə imza atıb.
İdman.biz xəbər verir ki, bu, olimpiadanın bürünc mükafatçısı üçün "Böyük Dəbilqə" yarışlarında 12-ci çempionluq olub.
Üstəlik uğur uzun fasilədən sonra gəlib: Naqayama sonuncu dəfə 2023-cü ilin dekabrında Tokioda "Böyük Dəbilqə"ni qazanmışdı.
Naqayama Bakıda ilk dəfə çempion olsa da, ümumilikdə üçüncü dəfə fəxri kürsüyə qalxıb. O, 2016-cı ildə ölkəmizdə keçirilən "Böyük Dəbilqə"nin gümüş medalını qazanıb, iki il sonra dünya çempionatında isə üçüncü olub.
İdman.biz
