Xorvatiyanın Poreç şəhərində cüdo üzrə yeniyetmələr arasında Avropa kuboku davam edir.
İdman.biz xəbər verir ki, yarışda millimiz daha 2 medal qazanıb.
40 kq çəkidə mübarizə aparan Mədinə Hüseynova və 44 kq çəkidə qüvvəsini sınayan Xədicə Abdullayeva bürünc medala yiyələniblər.
Bununla, cüdoçularımızın Avropa Kubokunda əldə etdiyi medalların sayı 3-ə çatıb. Daha əvvəl Aysun Məmmədova (52 kq) yarışın qızıl medalına sahib çıxmışdı.
Qeyd edək ki, bu gün Avropa Kubokunda daha 5 cüdoçumuz tatamiyə çıxacaq.
İdman.biz
