Bu gün Almaniyanın Bad-Blankenburq şəhərində cüdo üzrə yeniyetmə və gənc qızlar arasında Beynəlxalq Türingiya Kuboku keçirilib.
İdman.biz xəbər verir ki, Azərbaycan yığmasının heyətində Fəridə Mirzəyeva uğurlu çıxışla yadda qalıb.
48 kq-da mübarizə aparan cüdoçumuz bütün rəqiblərinə qalib gələrək qızıl medal qazanıb. Azərbaycan yığması yarışda medal əyarına görə ümumi hesabda 4-cü yeri tutub.
Qeyd edək ki, komandamız yarışda 6 çəki dərəcəsində 8 idmançı ilə təmsil olunub.
İdman.biz
