Azərbaycanın cüdoçuları aprelin 5-6-da Çexiyanın Teplitse şəhərində kadetlər arasında keçiriləcək Avropa kubokunda mübarizə aparacaq.
İdman.biz xəbər verir ki, heyətdə 33 idmançı yer alacaq - 17 oğlan və 16 qız.
İdmançılarımız ümumilikdə 16 çəki dərəcəsində mübarizə aparacaqlar.
Almaniya 112 cüdoçu ilə yarışda ən böyük heyətə malik olacaq.
Ümumilikdə Avropa kubokunda 38 ölkənin komandaları çıxış edəcək.
İdman.biz
