Bəhram Rəcəbzadə növbəti görüşünə çıxır

Bu gün azərbaycanlı kikboksçu Bəhram Rəcəbzadə “Glory”də növbəti döyüşünə çıxacaq.

İdman.biz xəbər verir ki, 32 yaşlı idmançının rəqibi şimali makedoniyalı Daniel Stefanovski olacaq.

Döyüş Niderlandın Qelredom şəhərində təşkil ediləcək. Görüş saat 22:00-da başlayacaq.

Qeyd edək ki, 28 yaşlı Stefanovski peşəkar rinqdə 29 döyüş keçirib. O, bunların 22-də qələbə qazanıb, 7-də məğlub olub.

İdman.biz