Azərbaycan kikboksçusu Eduard Məmmədov (63 kq) dünya çempionatında 2 qızıl medal qazanıb.
İdman.biz xəbər verir ki, o, bu uğura Portuqaliyanın Albufeyra şəhərində keçirilən mundialda imza atıb.
Dünya və Avropa çempionu Məmmədov “Light contact” və “Kick Light” versiyalarında bütün rəqiblərinə qalib gələrək, 2 dəfə fəxri kürsünün ən yüksək pilləsinə qalxıb.
Bununla da “ağ canavar” dünya çempionatında 28-ci dəfə qızıl medala yiyələnib.
Qeyd edək ki, Eduard Məmmədovla yanaşı, mundialda Elvin Məmmədov (54 kq) və Amin Quliyev (60 kq) də finaldadır.
İdman.biz
