Azərbaycanlı Nazim Sadıqovla fevralın 15-də Las-Veqasda keçiriləcək döyüşdə braziliyalı İsmael Bonfim favorit hesab edilir.
İdman.biz xəbər verir ki, bu, səkkiz qarşılaşmanın keçiriləcəyi "UFC Fight Night"in əsas görüşü olacaq.
Bonfim MMA-da 24 döyüş keçirib, onlardan 20-də qalib gəlib. Sadıqovun isə 11 döyüşü var. Onlardan 9-u qələbə, 1-i heç-heçə və digəri məğlubiyyətlə başa çatıb.
Qeyd edək ki, Sadıqov sonuncu görüşünü ötən il noyabrın 11-də Nyu-Yorkda "Madison Square Garden"də rusiyalı Vyaçeslav Borşevə qarşı keçirib. Üç raundluq qarşılaşmanın sonunda hakimlər heç-heçə qeydə alıblar.
İdman.biz
