Bu gün Azərbaycanın MMA döyüşçüsü Nəriman Abbasov (77 kq) növbəti döyüşünə çıxacaq.
İdman.biz xəbər verir ki, o, Rusiyanın paytaxtı Moskvada “Hype Fighting Championship” turnirində qüvvəsini sınayacaq.
Gecənin əsas döyüşündə Abbasovun rəqibi yerli Marif Pirayev olacaq. Bu, həm də rusiyalı üçün revanş döyüşü sayılacaq. O, 2022-ci ildə “Fights Nights”da Nərimana uduzub.
Gecədə daha bir idmançımız rinqə çıxacaq. 70 kq-da Emil Novruzov rusiyalı Harun Boziyev ilə qarşılaşacaq. Döyüşlərə Bakı vaxtı ilə saat 19:00-da start veriləcək.
Qeyd edək ki, döyüş gecəsinin noyabrın 12-də keçirilməsi nəzərdə tutulsa da, Moskvada “Live Hall”da keçirilən turniri Rusiyanın hüquq mühafizə orqanları dayandırmışdı.
İdman.biz
