Fevralın 15-də Las-Veqasda (ABŞ) azərbaycanlı qarışıq döyüş ustası Nazim Sadıxovun iştirakı ilə keçiriləcək UFC Fight Night turnirində döyüşlərin sayı artmaqda davam edir.
İdman.biz xəbər verir ki, Sadıxov braziliyalı İsmael Bonfimlə döyüşəcək.
Bu qarşılaşma əvvəlcə gecənin ikinci ən vacib döyüşü sayılsa da, indi statusuna görə üçüncü olacaq. Kalvin Kattar (ABŞ) və Yusif Calal (Mərakeş) arasındakı görüş onları qabaqlayıb.
Gecənin əsas döyüşü isə Cared Kannonir (ABŞ) və Qreqori Rodriges (Braziliya) arasında keçiriləcək.
İndiyə kimi turnirdə 14 döyüşün iştirakçıları müəyyənləşib.
Sadıxov son döyüşünü 2023-cü il noyabrın 11-də Nyu-Yorkda "Madison Square Garden"də rusiyalı Vyaçeslav Borşevə qarşı keçirib. Üç raundluq mübarizədən sonra hakimlər heç-heçə qeydə alıblar.
İdman.biz
