Şəhriyar Abbasov: "Sadıxovun UFC tituluna iddialı olmaq şansı Fiziyevdən çoxdur"

Xəbərlər
23 Mart 2025 12:54
72
Şəhriyar Abbasov: "Sadıxovun UFC tituluna iddialı olmaq şansı Fiziyevdən çoxdur"

“Azərbaycanlı UFC döyüşçüsü Nazim Sadıxovun titul döyüşünə çıxmaq şansı həmyerlisi Rafael Fiziyevdən çoxdur”.

Bu fikirləri İdman.biz-ə Azərbaycanın MMA üzrə tanınmış məşqçisi Şəhriyar Abbasov deyib.

Mütəxəssis bildirib ki, Fiziyevdən fərqli olaraq, Nazimin yaxşı inkişaf etmiş güləş texnikası var: “Nazim vurur və alır, bu anı hiss edir. Bilmirəm, o, özü belədir, yoxsa komanda bunu deyir”.

Məşqçinin fikrincə, azərbaycanlı döyüşçü tezliklə çempionluq kəməri uğrunda mübarizəyə çıxa bilər:
“Nazimin daha 2-3 döyüş keçirməsinə ehtiyac var və o, uğur qazansa və zədəsi olmasa, çempionluq uğrunda mübarizə apara bilər. Bir sözlə, Nazimin perspektivi çox yaxşıdır və biz onu zirvədə görə bilərik”.

Qeyd edək ki, fevralın 15-də Las-Veqasda Nazim Sadıxov braziliyalı İsmael Bonifimi ilk raundda nokaut edərək, ona qalib gəlmişdi.

Aslan Məmmədli
İdman.biz