MMA mənbələri iyunun 21-də Bakıda keçiriləcək UFC turniri çərçivəsində baş tutacaq bir neçə döyüşün siyahısını açıqlayıb.
İdman.biz xəbər verir ki, Azərbaycanın paytaxtında təşkil ediləcək turnirlə bağlı rəsmi məlumat olmasa da, bir neçə döyüşdə kimin-kiminlə qarşılaşacağı müəyyənləşib.
Hazırda "Mmajunkie" portalının məlumatına görə, turnirin əsas döyüşü Körtis Bleydes (ABŞ) və Rizvan Kuniyev (Rusiya) arasında keçiriləcək. Məlum digər cütlüklər İsmayıl Naurdiyev (Avstriya) - Cun Yunq Park (Cənubi Koreya) və Hamdi Abdelvahab (Misir) - Məhəmməd Usman (Nigeriya) olacaq.
İdman.biz
