Sumo üzrə beynəlxalq dərəcəli hakim Ülvi Ağamirov tarixə düşüb.
İdman.biz xəbər verir ki, azərbaycanlı ədalət təmsilçisi “Hakuho Cup 2024” turnirində referilik edib.
Yapon Döyüş Növləri və Mədəniyyəti Assosiasiyasının vitse-prezidenti olan Ağamirov tarixin ən güclü sumoçusu Hakuho Syönun şərəfinə təşkil olunan yarışın tarixində xarici ölkədən dəvət alan ilk hakim olub. O, fevralın 12-də Yaponiyanın paytaxtı Tokioda təşkil olunan yarışda ədaləti qoruyub. Turnir “Ryogoku Kokugikan” milli sumo arenasında baş tutub.
Qeyd edək ki, Monqolustan sumoçusu Hakuho Syö karyerasını 2021-ci ildə bitirib.
İdman.biz