"Insidethegames.biz" saytı gələn şənbə Bakıda keçiriləcək boks gecəsi ilə bağlı “Şumkov və Mirzəxəlilov Bakıda IBA Pro üzrə dünya titulu uğrunda döyüşəcəklər” başlıqlı yazı hazırlayıb.
İdman.biz həmin məqaləni oxucularına təqdim edir:
Vsevolod Şumkov və Mirazizbek Mirzaxalilov - onlardan biri sentyabrın 28-də rinqə çıxanda məğlubiyyətsizlik rekordunu itirəcək. Onlar 57 kq çəki dərəcəsində IBA Pro dünya çempionu titulu uğrunda mübarizə aparacaqlar.
2024-cü ilin Avropa çempionu və 2023-cü il dünya çempionatının bürünc mükafatçısı Şumkov Moskvada və Serpuxovda IBA Çempionlar Gecəsində amerikalı Abel Mendosa və kubalı Saidel Horta üzərində qələbədən sonra Bakıya gəlir. Üç döyüş - üç qələbə.
Mirzaxalilov (5-0) sonuncu dəfə fevralda Düşənbədə keçirilən IBA Çempionlar Gecəsində rinqə çıxıb və orada seçmə döyüşdə meksikalı Luis Rodrigesə qalib gəlib. O, peşəkar boksda 3 aprel 2021-ci ildə Taşa Mcuaciyə qarşı debüt edib. O, rəqibini iki dəfə nokdauna göndərərək ilk raundda nokautla qələbə qazanıb.
Mirzaxalilov peşəkar boksda böyük təcrübəyə malikdir. O, dünya çempionatlarında və Asiya Oyunlarında iştirak edib. O, həmçinin Tokio-2020 Olimpiadasında iştirak edib və burada 1/8 finalda irlandiyalı Kurt Uokerə nokautla məğlub olub.
Sentyabrın 28-də keçiriləcək Çempionlar Gecəsinin əsas hadisəsi peşəkar karyeralarında məğlub olmayan rus və özbək boksçuların döyüşü olacaq. Ondan başqa daha yeddi peşəkar döyüş olacaq.
Bu, təcrübəli boksçular arasında maraqlı döyüş gecəsi olacağını vəd edir. Yerli azarkeşlərin sevimlisi və dünya çempionatlarının ikiqat bürünc mükafatçısı Məhəmməd Abdullayev +92 kq çəki dərəcəsində Panamerikan Oyunlarının ikiqat mükafatçısı kolumbiyalı Kristian Salsedo ilə səkkiz raundlu döyüşdə mübarizə aparacaq. Bir-birinə əks - güclü zərbələrlə Azərbaycan və sürətli hərəkətlərlə Kolumbiya üslubları.
90,7 kq çəki dərəcəsində kubalı Lenar Peres (12-0) WBA Amerika çempionu titulu uğrunda venesuelalı Rosmen Brito (11-0) ilə döyüşəcək. Hər iki döyüşçü məğlubiyyətsizdir və bu status Bakıda itirilə bilər.
63,5 kq çəki dərəcəsində rusiyalı Qabil Məmmədov qazaxıstanlı Nurtas Ajbenovla döyüşəcək. Məmmədov IBA Çempionlar Gecəsində daha bir qələbə qazanmağa çalışacaq. Mart ayında Soçidə o, yekdil qərarla belaruslu Dmitri Asanaunu məğlub edib. Peşəkar rekordu 13-1 olan Ajbenov IBA Çempionlar Gecəsində debüt edəcək.
+92 kq çəki dərəcəsində avstraliyalı Cekson Murrey və nigeriyalı Solomon Adebayo döyüşəcək. Həm Murrey (6-0), həm də Adebayo (14-0) peşəkar karyeralarında məğlubiyyətsizdirlər. Avstraliyalının təcrübəsi azdır, lakin cəsarətlidir və məsafəni yaxşı idarə edir. Nigeriyalı güclü zərbələri ilə tanınır.
Həmin divizionda azərbaycanlı azarkeşlər Məhəmmədrəsul Məcidovu (3-1) dəstəkləyəcəklər. Məcidov qazaxıstanlı Nursultan Amanjolovla qarşılaşacaq (7-2). Amanjolov Ufada keçirilən IBA Çempionlar Gecəsində Bekxan İsrailova hakimlərin qərarı ilə uduzduqdan sonra "günahını təmizləməyə" çalışacaq.
Nicat Hüseynov Azərbaycanın parlayan ulduzdur. Paris-2024 olimpiyaçısı 51 kq çəki dərəcəsində məğlubedilməz filippinli Con Maykl Zulueta (17-0-3) ilə qarşılaşacaq. Azərbaycan boksunun parlayan ulduzu olan Hüseynov böyük potensiala malikdir və bacarığını olimpiadada təkmilləşdirərək Bakıda rinqə çıxcaq.
Nəhayət, yerli boksçu Sərxan Əliyev (2-0) monqolustanlı Munx-Erdene Urançimeqlə döyüşəcək. Urançimeq peşəkar rinqdə debüt edir.
İdman.biz
