Bəhreyndə keçirilən Gimnaziada finişə yaxınlaşır.
İdman.biz xəbər verir ki, artıq çıxışını yekunlaşdıran Azərbaycan yığması yarışı 81 mükafatla başa vurub.
İdmançılarımız Asiya ölkəsində 26 qızıl, 26 gümüş və 29 bürünc medal əldə ediblər. Yarışın son günü millimizə 2 çempionluq, 8 ikincilik və dörd üçüncülük gətirib. Bu mükafatlar bədii gimnastika və yunan-Roma güləşində əldə olunub.
Azərbaycan millisinin medal sıralamasındakı mövqeyi bütün yarışlar başa çatdıqdan sonra dəqiqləşəcək.
İdman.biz
