“Komanda Dünya kubokunda fenomenal nəticə göstərdi”.
İdman.biz xəbər verir ki, bunu Azərbaycan Bodibildinq və Fitnes Federasiyasının prezidenti Rauf Bunyatəliyev deyib.
O, idmançılarımızın ardıcıl bir neçə yarışda mütləq çempion adını qazandıqlarını vurğulayıb.
“Santa-Susannada keçirilən yarışda yenidən iştirak etməkdən şad olduq. Müsbət emosiyalar, əla səviyyəli iştirakçılar, komandamızın əla çıxışı. Mövsümün sonu əla oldu”, - deyə Bünyadəliyev Beynəlxalq Bodibildinq Federasiyasının kanalına müsahibəsində bildirib.
Qeyd edək ki, Dünya kubokunda Elnur Allahyarov (bodibildinq), Fərid Nəcəfli ("Men’s physique") mütləq çempion adına layiq görülüblər, Aşur Abdullayev yeniyetmələrin "Men’s physique" yarışında birinci yeri tutub, Kamil Əliyev gümüş, Vüqar Verdiyev, Samir Məmmədli (bodibildinq), Seymur Əliyev (klassik bodibildinq) və Təbriz Tarverdiyev ("Men’s physique") bürünc medal qazanıblar.
İdman.biz
