Gənclər və İdman Nazirliyi olimpiya idman növləri üzrə Azərbaycan idmançılarının reytinq cədvəlini açıqlayıb.
İdman.biz xəbər verir ki, yeni ilin ilk ayı üçün müəyyənləşən siyahının ilk “üçlüy”ündə 1 dəyişiklik olub.
Cədvələ yenə bədii gimnastika üzrə qrup hərəkətləri komandası (500 xal) başçılıq edir. Olimpiya çempionu olan cüdoçu Hidayət Heydərov ikinci pillədə yerini qoruyub. Onun aktivində 390 xal var.
Ötən ay üçüncü olan digər Olimpiya çempionu, cüdoçu Zelim Kotsoyev (310 xal) dördüncü yerə enib. Onu atlet Anna Skidan (315 xal) əvəzləyib.
Qeyd edək ki, reytinq xallarının hesablanması Gənclər və İdman Nazirliyi tərəfindən müəyyən edilmiş qaydalara əsasən aparılır. Növlər üzrə beynəlxalq yarışlar öz reytinqinə əsasən, 5 kateqoriyaya bölünür və həmin yarışlarda tutulan yerlərə uyğun olaraq xallar hesablanır.
İdman.biz
