Bu gün Azərbaycan idmanında 2024-cü ilin yekunlarına həsr olunan tədbir keçirilib.
İdman.biz xəbər verir ki, Gənclər və İdman Nazirliyinin (GİN) təşkil etdiyi mərasim "Buta Palace"da baş tutub.
Tədbir Dövlət Himninin səsləndirilməsi ilə başlayıb.
Torpaqlarımızın azadlığı uğurda canlarından keçən şəhidlərimizin və Bakı–Qroznı (Rusiya Federasiyası) aviareysi zamanı vəfat edənlərin xatirəsi anılıb.
Daha sonra gənclər və idman naziri Fərid Qayıbov hamını yeni il münasibətilə təbrik edib. O, 2025-ci ildə idman dünyasında zədəlilərin az olmasını, komandalarımıza həmrəylik arzulayıb.
O, dövlət başçısı İlham Əliyevin hər il olduğu kimi, ilin sonunda idmançılarla görüşdüyünü xatırladaraq, yeni mesajlar verdiyini deyib.
Ardınca mükafatlandırılma mərasimi keçirilib, ilin ən yaxşıları bəlli olub. İdman.biz "İlin ən yaxşı media idman qurumu", əməkdaşımız İslam Atakişiyev "İlin ən yaxşı idman fotoqrafı" nominasıyasında üçüncü olub.
2024-cü ilin Ədalətli oyun (Fair Play) mükafatçısı
1. Qaşım Maqomedov (taekvondo)
2. Leyla Abidinova (atletika)
3. Nərmin Şərifova (badminton)
2024-cü ilin ən yaxşı Uşaq-Gənclər İdman Məktəbi
1. "Ulduz" Futbol Akademiyası
2. ROEQİUG Velosepid Məktəbi
3. Masallı (UGİM)
2024-cü ilin idman mövzusunda ən yaxşı videoçarxı
1. "Bir də gəlsəm" (Azərbaycan Cüdo Federasiyası)
2. "Doğru hədəfə yönəl" (ATV)
3. "Güləşçilərin musiqi testi" (Azərbaycan Güləş Federasiyası)
2024-cü ilin ən yaxşı idman tədbiri
1. Formula 1 Azərbaycan Qran-prisi (Bakı)
2. Beynəlxalq Avarçəkmə Reqatası (Füzuli və Mingəçevir)
3. Cüdo üzrə "Böyük Dəbilqə" turniri (Bakı)
2024-cü ilin ən yaxşı idman fotoqrafı
1. Zaur Mustafayev (Trend)
2. Nadejda Cavad
3. İslam Atakişiyev (İdman.Biz)
İlin ən yaxşı media idman qurumu
1. CBC Sport
2. AZƏRTAC
3. İdman.Biz
İlin ən yaxşı idman jurnalisti
1. Elmir Əliyev (Haqqın.Az)
2. Kənan Hakimov (İTV)
3. Nazilə Əhmədova (Real TV)
İlin ən yaxşı idman klubu
1. "Ocaqspor" İdman Klubu
2. "Neftçi" İdman Klubu
3. "Volan" Badminton klubu
İlin ən yaxşı idman qurğusu
1. Milli Gimnastika Arenası
2. Bakı Su İdman Sarayı
3. "Kür” Olimpiya İdman-Tədris Mərkəzi
İlin ən yaxşı Olimpiya idman kompleksi
1. Quba Olimpiya İdman Kompleksi
2. Goranboy Olimpiya İdman Kompleksi
3. Ağdaş Olimpiya İdman Kompleksi
İlin ən yaxşı idman tibb personalı
1. Aydin Ağaliyev (Azərbaycan Gimnastika Federasiyası)
2. Nigar Heydərova (Milli İdman Tibb və Reabilitasiya Elmi-Praktiki İnstitutu)
3. Ramil Vəliyev (Azərbaycan Cüdo Federasiyası)
İlin ən yaxşı hakimi
1. Emil Qurbanəliyev (boks)
2. Natalya Bulanova (gimnastika)
3. Asif Şirəliyev (güləş)
İlin uğurlu beynəlxalq fəaliyyəti
1. Azərbaycan Atçılıq Federasiyası
2. Azərbaycan Atıcılıq Federasiyası
3. Azərbaycan Ağırlıqqaldırma Federasiyası
İlin ən yaxşı idman federasiyası
1. Azərbaycan Cüdo Federasiyası
2. Azərbaycan Gimnastika Federasiyası
3. Azərbaycan Güləş Federasiyası
İlin kişilərdən ibarət ən yaxşı klub komandası
1. "Qarabağ" futbol klubu
2. Çimərlik voleybolu üzrə "Azərreyl" komandası
3. "Birbaşa" minifutbol komandası
İlin qadınlardan ibarət ən yaxşı klub komandası
1. Çimərlik voleybolu üzrə "Azərreyl" komandası
2. 3х3 "Neftçi" basketbol komandası
3. "Qarabağ" həndbol komandası
İlin kişilərdən ibarət ən yaxşı milli komandası
1. Yunan-Roma güləşi üzrə milli komanda
2. Cüdo üzrə milli komanda
3. Sərbəst güləş üzrə milli komanda
İlin qadınlardan ibarət ən yaxşı milli komandası
1. Bədii gimnastika üzrə milli komanda
2. 3х3 basketbol üzrə milli
3. Güləş millisi
İlin ən yaxşı qeyri-olimpiya növləri üzrə məşqçisi
1. İradə Qurbanova (akrobatika gimnastikası)
2. Adil Hüseynzadə (tamblinq gimnastikası)
3. Eduard Məmmədov (kikboksinq)
İlin ən yaxşı qadın məşqçisi
1. Siyana Vasileva (bədii gimnastika)
2. Solmaz Adilova (qadın güləşi)
3. Larisa Axundova (kayak və kanoe)
İlin ən yaxşı kişi məşqçisi
1. Riçard Trautman (cüdo)
2. Məmməd Abdullayev (taekvondo)
3. Qurban Qurbanov ("Qarabağ")
İlin ən yaxşı qeyri-olimpiya növləri üzrə idmançısı
1. Ağasif Rəhimov-Raziyə Seyidli (akrobatika gimnastikası)
2. Ülviyyə Fətəliyeva (şahmat)
3. Əliqismət Həsənov (karate)
İlin ən yaxşı qadın paralimpiyaçısı
1. Lamiyə Vəliyeva (paraatletika)
2. Dursədəf Kərimova (paracüdo)
3. Könül Süleymanova (paraüzgüçü)
İlin ən yaxşı kişi paralimpiyaçısı
1. İmaməddin Xəlilov (parataekvondo)
2. Səid Nəcəfzadə (paraatletika)
3. İlham Zəkiyev (paracüdo)
İlin ən yaxşı qadın idmançısı
1. Yaylagül Ramazanova (kamandan oxatma)
2. Anna Skidan (atletika)
3. Mariya Stadnik (güləş)
İlin ən yaxşı kişi idmançısı
1. Hidayət Heydərov (cüdo)
2. Zelim Kotsoyev (cüdo)
3. Qaşım Maqomedov (taekvondo)
--------
12:07
Bu gün Azərbaycan idmanında 2024-cü ilin yekunlarına həsr olunan tədbir keçiriləcək.
İdman.biz xəbər verir ki, Gənclər və İdman Nazirliyinin (GİN) təşkil edəcəyi mərasim "Buta Palace"da baş tutacaq.
Tədbir saat 19:00-da başlayacaq. Mərasimdə müxtəlif nominasiyalar üzrə ilin ən yaxşıları açıqlanacaq. Qaliblər müvafiq mükafatlarla təltif olunacaqlar.
Qeyd edək ki, öncədən ötən il dekabrın 26-na planlaşdırılan tədbir "Azərbaycan Hava Yolları" QSC-nin (AZAL) təyyarəsinin Aktauda qəzaya uğraması üzündən təxirə salınmışdı.
İdman.biz
